Saturday, October 30, 2010

தேங்காய் தக்காளிச் சட்னி



தக்காளியில்லாம சமையலா..?சான்சே இல்லன்னுதான் சொல்ற அளவுக்கு தக்காளி நம்ம வீடுகளில் பிரபலம். அது,இவ்வளவு பிரபலமாயிருக்க என்ன காரணம்னு நீங்க யோசிக்கலாம். முதலாவதா குண்டா, பளபளன்னு கண்ணைப்பறிக்கிற அதோட கலர்,அப்புறம் அதிலிருக்கிற அபரிமிதமான சுவை.

ஆனா,இதெல்லாம் தவிர இன்னும் நிறைய இருக்கு தக்காளியில. என்னன்னா, புற்றுநோயைத் தவிர்க்க உதவும் ஆன்டிஆக்ஸிடெண்ட் எனும் பொருள் இதில் மிக அதிகமாக இருக்கிறது. இதுமட்டுமில்லாம,விட்டமின் ஏ, விட்டமின் சி இரண்டும்கூட இதில் நிறைய இருக்கிறது. அதனால தக்காளியை உணவில் அதிகம் சேத்துக்கோங்க. அதுவும் சமைக்காம அப்படியே சேர்த்துக்கிட்டா ரொம்பவும் நல்லது.

இந்தச் சட்னியில, நாம தக்காளியை அவிக்காம,வதக்காம அப்படியோ பயன்படுத்துவதுதான் சிறப்பு.

தேவையான பொருட்கள்...

தேங்காய் - அரை மூடி

பொட்டுக்கடலை - ஒரு கைப்பிடி

பச்சை மிளகாய் - 5 அல்லது ஆறு

பூண்டு - 1 பல்

பழுத்த தக்காளி - 1

கறிவேப்பிலை - 10-15,

உப்பு - தேவைக்கேற்ப

தாளிக்க...

எண்ணெய் - 2 தேக்கரண்டி

கடுகு மற்றும் உளுத்தம்பருப்பு

தேங்காயுடன், பொட்டுக்கடலை, பச்சை மிளகாய் உப்புச்சேர்த்து, மிக்சியில் ஒருநிமிடம் ஓடவிடுங்க. அப்புறம் தண்ணீர் சேர்த்து நல்லா அரைச்சுக்கோங்க. கடைசியில் நறுக்கிய தக்காளி,கறிவேப்பிலை,இவற்றோடு ஒரு பூண்டுப்பல்லையும் சேர்த்து சிறிதுநேரம் சுத்தவிட்டு எடுங்க. அழகான நிறமும் மணமுமான தேங்காய் தக்காளிச் சட்னி தயார்.

கடைசியில் கடுகு உளுத்தம்பருப்பு தாளித்து, இட்லி தோசையுடன் பரிமாறுங்க.

6 comments:

  1. இது நாங்க பண்ணுவோம் அடிக்கடி

    ReplyDelete
  2. நானும்,தேங்காய் தக்காளி சேர்த்து செய்வேன்,ஆனால் சிறிய மாறுதலுடன்.

    ReplyDelete
  3. //LK said...

    இது நாங்க பண்ணுவோம் அடிக்கடி//

    வாங்க கார்த்திக், நன்றி!

    ReplyDelete
  4. //asiya omar said...

    நானும்,தேங்காய் தக்காளி சேர்த்து செய்வேன்,ஆனால் சிறிய மாறுதலுடன்.//

    மாறுதல் என்னன்னு உங்க ப்ளாக்ல பாத்துத் தெரிஞ்சுக்கிறேன் :)

    நன்றி ஆசியா.

    ReplyDelete
  5. நன்றிகள் கீதா!

    ReplyDelete

அடிசில் சுவைக்கவந்த அனைவருக்கும் என் அன்பான வரவேற்புகள்!!!