திண்ணை தமிழ் : 2018

Wednesday, December 26, 2018

சம்பா சிவப்பரிசிப் புட்டு


சம்பா சிவப்பரிசிப் புட்டு... சிவப்பு நிறமான சம்பா பச்சரிசியைக் கடைகள்ல பார்த்திருப்பீங்க... அதை வாங்கிட்டு வந்து, அரை மணி நேரம் ஊறவச்சு வடிகட்டி, நிழலில் உலர்த்தி, மெஷின்ல கொடுத்து மாவாக்கி, அதனை வறுத்தெடுத்துச் செய்த புட்டு மாவில் செய்த அருமையான புட்டு இது.

வீட்டில் புட்டு மாவு தயாரிக்க இயலவில்லையென்றால், கடையில் கிடைக்கும் சிவப்பரிசிப் புட்டு மாவையும் பயன்படுத்தி இந்தப் புட்டு செய்யலாம்.

புட்டு செய்யத் தேவையான பொருட்கள்

சிவப்பரிசிப் புட்டு மாவு - 1 கப்

சீனி - 1/4 கப்

தேங்காய்த் துருவல் - 5 மேஜைக்கரண்டி

சுக்குப்பொடி - 1/4 தேக்கரண்டி

நெய் - 2 - 3 தேக்கரண்டி

உப்பு - 1/ 4 தேக்கரண்டி

தண்ணீர் - தேவையான அளவு

செய்முறை

ஒரு அகலமான பாத்திரத்தில் புட்டு மாவை எடுத்து அத்துடன் உப்பு சேர்த்துக் கலந்துவிடவும்.

அத்துடன் சிறிது சிறிதாகத் தண்ணீர் சேர்த்து, கையால் பிடித்து, அதனை உதிர்த்துவிட்டால் உதிருகிற அளவுக்கு ஈரப்பதம் வருமளவுக்குப் பிசைந்துகொள்ளவும். ( மேலும் தெளிவான விளக்கத்திற்கு மேலுள்ள வீடியோவைப் பார்க்கலாம்)

பிசைந்த மாவுடன், சுக்குப்பொடி, தேங்காய்த் துருவல் சேர்த்துக் கலக்கவும்.

கால் கப் சீனியையும் சேர்த்து நன்றாகக் கலந்துவிட்டு, ஒரு வெள்ளைத்துணியில் அந்த மாவைக் கொட்டி, சிறு மூட்டையாக்கி, ஆவியில் வைத்து, எட்டு முதல் பத்து நிமிடங்கள் வேகவைத்து எடுக்கவும்.

வெந்தபின் புட்டு மாவைத் துணியிலிருந்து பாத்திரத்திற்கு மாற்றி அத்துடன், உருக்கிய நெய் 2 அல்லது 3 தேக்கரண்டியைச் சேர்த்து நன்றாகக் கலந்துவிடவும்.

சுவையான, மணமான சம்பா சிவப்பரிசிப் புட்டு தயார். இந்தப் புட்டை வாழைப்பழம் அல்லது பால் சேர்த்துப் பிசைந்து சாப்பிடலாம்.

via IFTTT

Sunday, December 23, 2018

திருநெல்வேலி சீவல் | ரிப்பன் பக்கோடா



திருநெல்வேலி சீவல் அல்லது ரிப்பன் பக்கோடா...இது தீபாவளி சமயத்தில் வீட்டில் செய்தும், மற்ற சமயங்களில் கடையில் வாங்கியும் சாப்பிடுகிற ஒரு தின்பண்டம். இதனைத் தயாரிப்பது மிகவும் சுலபம்.

திருநெல்வேலி சீவலுக்குத் தேவையான பொருட்கள்

கடலை மாவு - 1 கப்

அரிசி மாவு - 3 மேஜைக்கரண்டி

வத்தல் தூள் - 1/2 தேக்கரண்டி

ஓமம் - 1/2 தேக்கரண்டி

சூடாக்கிய எண்ணெய் - 2 மேஜைக்கரண்டி

உப்பு - தேவையான அளவு

பிசைந்தெடுக்கத் தண்ணீர், பொரித்தெடுக்க எண்ணெய்

செய்முறை

கடலை மாவுடன் அரிசி மாவைச் சேர்த்து, அத்துடன் தேவையான உப்பு, வத்தல் தூள், ஓமம் சேர்த்துக் கலந்துவிடவும்.

அத்துடன் இரண்டு மேஜைக்கரண்டி அளவு எண்ணெயைச் சூடாக்கிச் சேர்த்து நன்றாகக் கலக்கவும்.

அத்துடன் சிறிது சிறிதாகத் தண்ணீர் சேர்த்து கெட்டியாகப் பிசைந்துகொள்ளவும்.

பிசைந்த மாவை அச்சில் போட்டு, நேராகச் சூடான எண்ணெயில் சுற்றி, பொன்னிறமாகப் பொரித்தெடுக்கவும்.

கரகர மொறுமொறு சீவல் தயார்.

via IFTTT

Wednesday, December 19, 2018

பாவக்காய் சிப்ஸ் | பாகற்காய் சிப்ஸ்


மாலை நேரத் தேநீருடன் சாப்பிட மொறுமொறு பாவக்காய் சிப்ஸ்!

தேவையான பொருட்கள்

பாகற்காய் - 1

எலுமிச்சை சாறு - 1/2 தேக்கரண்டி

கடலை மாவு - 2 மேஜைக்கரண்டி

கார்ன் ஃப்ளார் - 1 மேஜைக்கரண்டி

அரிசி மாவு - 1 மேஜைக்கரண்டி

சாம்பார்ப் பொடி - 1 தேக்கரண்டி

பெருங்காயத்தூள் - ஒரு சிட்டிகை

காஷ்மீரி மிளகாய்த் தூள் - 1/2 தேக்கரண்டி

உப்பு - தேவையான அளவு

எண்ணெய் - பொரிப்பதற்கு



செய்முறை

பாகற்காயை நடுவில் கீறி விதைகளை நீக்கிவிட்டு மெலிதான துண்டுகளாக நறுக்கிக்கொள்ளவும்.

நறுக்கிய பாகற்காயுடன் எலுமிச்சை சாறு, தேவையான உப்பு கலந்து நன்கு பிரட்டிவிடவும்.

அத்துடன் கடலைமாவு, கார்ன் ஃப்ளார், அரிசிமாவு மூன்றையும் கலக்கவும்.

ஒரு தேக்கரண்டி சாம்பார்ப் பொடி, சிறிதளவு பெருங்காயத்தூள் சேர்க்கவும். தேவைப்பட்டால் அரைத் தேக்கரண்டி காஷ்மீரி மிளகாய்த்தூள் சேர்த்துக்கொள்ளவும்.

பாகற்காய்த் துண்டுகளை மூடி பத்து நிமிடம் ஊறவிடவும்.

வாணலியில் எண்ணெய் சூடாக்கி, பாகற்காய்த் துண்டுகளை உதிர்த்துவிட்டு, மிதமான தீயில் மொறுமொறுப்பாக ஆகும்வரை பொரித்தெடுக்கவும்.

சுவையான பாகற்காய் சிப்ஸ் தயார்!

இதனைத் தேநீருடனோ அல்லது சாதத்துடனோ கூடச் சாப்பிடலாம்.

via IFTTT

Monday, December 17, 2018

கோதுமை மாவு நெய் பிஸ்கெட் | ஆட்டா பிஸ்கெட்


மிக மிக எளிதான அதே சமயம் நாவில் கரையும் அருமையான சுவையுடைய கோதுமை மாவில் தயாரித்த நெய் பிஸ்கெட் செய்முறை.

தேவையான பொருட்கள்

கோதுமை மாவு - 1 1/4 கப்

சர்க்கரை - 1/4 கப்

நெய் - 1/4 கப் + 2 டீஸ்பூன்

ஏலக்காய் - 2

உப்பு - 1 சிட்டிகை



செய்முறை

சர்க்கரையை ஏலக்காயுடன் சேர்த்துப் பொடி செய்துகொள்ளவும்

ஓரு வாயகன்ற பாத்திரத்தில் 1 1/4 கப் மாவைச் சேர்த்து அத்துடன் பொடி செய்த சர்க்கரை, உப்பு நெய் கலந்து பிசைந்து கெட்டியாக சப்பாத்தி மாவு பதத்துக்குப் பிசைந்துகொள்ளவும். மாவின் தன்மைக்கேற்ப நெய் அதிகம் தேவைப்படலாம். முழுவதுமாக நெய் சேர்ப்பதற்குப் பதிலாக, பாதி சூரியகாந்தி எண்ணெய், பாதி நெய் சேர்த்தும் பிசைந்துகொள்ளலாம்.

பிசைந்த மாவை சிறு எலுமிச்சை அளவு உருண்டைகளாக உருட்டி, உள்ளங்கையில் வைத்து அழுத்தி, 1/2 செ.மீ தடிமனுள்ளதாக்கி, ஒரு வெண்ணெய் தடவிய தட்டில் அடுக்கி, 175 டிகிரி சென்டிகிரேடு வெப்பத்தில் 12 முதல் 15 நிமிடங்கள் வேகவைத்து எடுக்கவும்.

அல்லது, குக்கரில், உப்பு அல்லது மணல் பரப்பி, அதனைச் சூடாக்கி அதில் ஒரு வளையத்தை வைத்து, அதன் மேல் பிஸ்கெட் அடுக்கிய தட்டை வைத்து, குறைந்த தணலில் 20 நிமிடங்கள் வேகவைத்தும் எடுக்கலாம்.



via IFTTT

Sunday, December 16, 2018

பூசணிக்காய் அடை & பூண்டு வெங்காயச் சட்னி




பூசணிக்காய் அடை & பூண்டு வெங்காயச் சட்னி

அநேகமாய்ப் பார்த்தால், அதிகமான சத்துள்ள, ஆரோக்கியம் தரக்கூடிய பொருட்கள் மிகவும் விலை மலிவாகவும் கிடைக்கின்றன. குறிப்பாகச் சொல்வதென்றால், கீரை வகைகள், பூசணிக்காய், பீட்ரூட் போன்றவற்றைக் குறிப்பிடலாம்.  அவற்றுள் இந்தப் பூசணிக்காய் மிகவும் சுவையானதும் உடலுக்கு நன்மையளிப்பதும் கூட.

பூசணிக்காய் மற்றும் ஆரஞ்சு நிறமுள்ள காய்கறிகள் பழங்களில், பீட்டா கரோட்டின் என்னும் ஆன்டிஆக்சிடெண்ட் என்னும் நோய் எதிர்க்கும் சத்து அதிகமாகக் காணப்படுகின்றது. இத்தகைய சத்துப்பொருள் நம் உடலில் சேரும்போது விட்டமின் ஏ ஆக மாறி நன்மையளிக்கிறது. பூசணிக்காயிலும் அந்த ஆன்டிஆக்சிடெண்ட் அதிகம் காணப்படுவதால், நாம் பூசணிக்காயை அதிகமாக உணவில் சேர்த்துக்கொள்வது நல்லது.




பூசணிக்காய் அடை செய்யத் தேவையான பொருட்கள்

பூசணிக்காய் - 100 கிராம்

இட்லி அரிசி - 1 கப்

கடலை பருப்பு - 1/2 கப்

உளுந்தம் பருப்பு - 4 டேபிள் ஸ்பூன்

காய்ந்த மிளகாய் - 6

சீரகம் - 1 தேக்கரண்டி

மஞ்சள் தூள் - 1/4 தேக்கரண்டி

வெங்காயம் - 1

கறிவேப்பிலை - 2 இணுக்கு

உப்பு, எண்ணெய் - தேவைக்கேற்ப

செய்முறை

அரிசியையும் பருப்பையும் தனியாகக் கழுவி நான்கு மணி நேரம் ஊறவைக்கவும்.

பூசணிக்காயைத் தோல் சீவித் துருவிக்கொள்ளவும்.

வெங்காயத்தைப் பொடியாக நறுக்கி வைக்கவும்.

மிக்சியில் அல்லது கிரைண்டரில். முதலில் அரிசியைப் போட்டு முக்கால் பதம் அரைபட்டதும், பருப்புகளைச் சேர்க்கவும்.

அத்துடன், காய்ந்த மிளகாய் சீரகம், மஞ்சள் தூள், உப்பு ஆகியவற்றையும் சேர்த்து அரைக்கவும்.

அரைத்தெடுத்த மாவில் நறுக்கிய வெங்காயம், துருவிய பூசணிக்காய், கறிவேப்பிலை ஆகியவற்றைக் கலந்து அடை தோசைகளாக ஊற்றவும்.

சுற்றிலும் நல்லெண்ணெய் ஒரு தேக்கரண்டி ஊற்றி, மறுபுறம் திருப்பிவிட்டுப் பொன்னிறமானதும் பூண்டு வெங்காயச் சட்னியுடன் பரிமாறலாம்.





பூண்டு வெங்காயச் சட்னி செய்யத் தேவையான பொருட்கள்

பூண்டு - 6 பல்

வெங்காயம் - 1

காய்ந்த மிளகாய் - 6 அல்லது 8

கறிவேப்பிலை - ஒரு கைப்பிடி

புளி - பாக்கு அளவு

வெல்லம் - சிறிய துண்டு

உப்பு, எண்ணெய் தேவையான அளவு


செய்முறை

மிக்சியில், வெங்காயம், பூண்டு, கறிவேப்பிலை, காய்ந்த மிளகாய், உப்பு, புளி அனைத்தையும் சேர்த்து நன்றாக அரைத்து எடுக்கவும்.

வாணலியில் எண்ணெய் விட்டு, கடுகு, உளுந்து, பெருங்காயம், கறிவேப்பிலை போட்டுத் தாளிக்கவும். அரைத்தெடுத்த கலவையை அதில் சேர்த்து, நன்றாக எண்ணெய் பிரியும்வரை வதக்கியெடுக்கவும்.

சுவையான பூண்டு வெங்காயச் சட்னி தயார்.

இது அடையுடன் சேர்த்துச் சாப்பிட மிகவும் நன்றாக இருக்கும்.


 via IFTTT

Wednesday, December 12, 2018

முட்டைக்கோஸ் கூட்டு - குக்கர் செய்முறை


சப்பாத்தியுடன் சேர்த்துச் சாப்பிடுவதற்கு ஏற்ற மசாலாப்பொடிகள் சேர்த்த முட்டைக்கோஸ் கூட்டு...எளிதான குக்கர் செய்முறையில்.

தேவையான பொருட்கள்

முட்டைக்கோஸ் - 300 கிராம்

வெங்காயம் - 1

பச்சை மிளகாய் - 2

கடலைப்பருப்பு - 1/4 கப்

மஞ்சள் தூள் - 1/4 தேக்கரண்டி

சாம்பார்ப்பொடி - 1 1/2 தேக்கரண்டி

உப்பு - தேவைக்கேற்ப

தாளிக்க

எண்ணெய் - 3 தேக்கரண்டி

கடுகு - 1/2 தேக்கரண்டி

சீரகம் - 1/2 தேக்கரண்டி

கறிவேப்பிலை - 1 இணுக்கு

பெருங்காயம் சிறிதளவு























செய்முறை

கடலைப் பருப்பைக் கழுவி, 1/2 மணி நேரம் ஊறவைக்கவும்.

முட்டைக்கோஸ், வெங்காயத்தைப் பொடிப்பொடியாக நறுக்கி வைக்கவும்.

வணலியில் எண்ணெய் விட்டு, கடுகு, சீரகம் சேர்த்துத் தாளிக்கவும்.

அத்துடன் கறிவேப்பிலை, நறுக்கிய வெங்காயம், கீறிய பச்சை மிளகாய்களைச் சேர்க்கவும்

வெங்காயம் வதங்கியதும் மனறுக்கிய முட்டைக்கோஸைச் சேர்க்கவும்.

அதனுடன், ஊறவைத்த கடலைப் பருப்பு, மஞ்சள்த்தூள், சாம்பார்ப்பொடி ஆகியவற்றையும் சேர்க்கவும்.

தேவையான அளவு உப்பு சேர்த்துக் கலந்துவிடவும்.

தேவைப்பட்டால் 1/4 கப் தேங்காய்த் துருவல் சேர்த்துக்கொள்ளலாம்.

குக்கரை மூடி ஒரு விசில் வைத்து இறக்கவும்.

சுவையான முட்டைக்கோஸ் கூட்டு தயார். இதனை சப்பாத்தி மற்றும் சாதத்துடனும் சேர்த்துச் சாப்பிடலாம்.

via IFTTT

Monday, December 10, 2018

டயட் கோதுமை தோசை


இரவு உணவாக அன்றாடம் சப்பாத்தி சாப்பிடுபவர்களுக்கு ஒரு சுவையான மாற்று உணவு செய்முறை!

தேவையான பொருட்கள்

கோதுமை மாவு - 1 கப்

அரிசி மாவு - 1 1/2 டேபிள்ஸ்பூன்

தயிர் - 2 டேபிள்ஸ்பூன்

உப்பு - தேவையான அளவு

வதக்கிச் சேர்க்க

வெங்காயம் - 1

பச்சை மிளகாய் - 2

கறிவேப்பிலை - 1 இணுக்கு

எண்ணெய் - 1 டேபிள்ஸ்பூன்

கடுகு - 1/4 தேக்கரண்டி

உளுந்தம்பருப்பு - 1 தேக்கரண்டி



செய்முறை

கோதுமை மாவுடன், அரிசி மாவைச் சேர்த்து அத்துடன் 2 மேஜைக்கரண்டி தயிர் மற்றும் உப்பு சேர்த்துக் கரைத்துக்கொள்ளவும்.

வாணலியில் எண்ணெய் விட்டு, அதில் கடுகு, உளுந்து சேர்த்துத் தாளிக்கவும்.

அத்துடன் பொடியாக நறுக்கிய வெங்காயம், பச்சை மிளகாய், கறிவேப்பிலை சேர்த்து வதக்கவும்.

வதக்கிய கலவையைக் கரைத்துவைத்த மாவில் சேர்த்து மெலிதான தோசைகளாக ஊற்றி, சிறிது எண்ணெய் விட்டு, இருபுறமும் பொன்னிறமாக வேகவிட்டு எடுக்கவும்.

சுவையான அதே சமயம் ஆரோக்கியமான டயட் கோதுமை தோசை தயார்!





via IFTTT

Wednesday, December 5, 2018

இரண்டு வகை சாம்பார்ப் பொடிகள்

இரண்டு வகை சாம்பார்ப் பொடிகளின் செய்முறை. வழக்கமான சாம்பார், அத்துடன் திரு நெல்வேலி ஸ்பெஷல் இடிசாம்பார்...எளிமையான முறையில் குறைந்த அளவில் சாம்பார்ப் பொடிகளைத் தயாரிப்பதற்கான அளவுகளுடன் கூடிய விளக்கமான செய்முறை!

via IFTTT

Saturday, December 1, 2018

முட்டை பட்டாணி பொரியல்


முட்டையுடன் பட்டாணியும் உருளைக்கிழங்கும் சேர்த்துச் செய்யும் மிகச் சுவையான பொரியல். சப்பாத்தி, பிரெட் மற்றும் சாதத்துடன் சேர்த்துச் சாப்பிட ஏற்றது. விளக்கமான செய்முறை வீடியோவில்...

 via IFTTT

Monday, November 26, 2018

பிரியாணிகளின் அரசன்! | மணக்க மணக்க மட்டன் பிரியாணி செய்யலாம்!


பிரியாணி என்றாலே இதுதான் என்று பலரும் சொல்லுமளவுக்கு விரும்பப்படுவது மட்டன் பிரியாணி...அதனை, வீட்டிலேயே வறுத்தரைத்த மசாலா சேர்த்து, மணக்க மணக்கச் செய்யும் செய்முறை!






                                                                                                                                                


பிரியாணிக்குத் தோதாகத் தொட்டுக்கொள்ள, பிரமாதமான மிர்ச்சி கா சாலன்...ஹைதராபாத் ஸ்பெஷல் பச்சை மிளகாய் குருமா!



https://ammaasamaiyal.blogspot.com/2018/11/hyderabadi-special-mirchi-ka-salan.html









via IFTTT

Wednesday, November 21, 2018

கார்த்திகை கருப்பட்டிக் கொழுக்கட்டை


கார்த்திகை தீபத்தன்று திருநெல்வேலி தூத்துக்குடி மாவட்டங்களில் தயாரிக்கப்படும் பாரம்பரியமான கருப்பட்டிக் கொழுக்கட்டை செய்முறை!


via IFTTT

Monday, November 19, 2018

கத்தரிக்காய் முருங்கைக்காய் பொரியல் | Brinjal Drumstick Fry Recipe


காரசாரமான கத்தரிக்காய் முருங்கைக்காய் பொரியல்...சாம்பார் மற்றும் ரசத்துக்கு ஏற்ற சரியான ஜோடி!


via IFTTT

Wednesday, November 14, 2018

பருப்புச் சப்பாத்தி & ப்ளெயின் ரைத்தா | Dal Chapati & Plain Raita


மூன்று வகைப் பருப்புக்களைக் கலந்து, கூடவே கீரையும் சேர்த்துச் செய்கிற மிக மிக சத்தான, சுவையான பருப்புச் சப்பாத்தி!


via IFTTT

Sunday, November 11, 2018

சீனிக்கிழங்கு பணியாரம் | Sweet Potato Paniyaram | How to make Kuzhi paniyaram



இயற்கையாகவே இனிப்பும் ஏகப்பட்ட சத்துக்களும் உடைய சீனிக்கிழங்கு அல்லது சர்க்கரை வள்ளிக்கிழங்கைக்கொண்டு, சுவையான, எல்லாருக்கும் பிடித்தமான குழிப்பணியாரம் செய்யும் எளிமையான செய்முறை...


via IFTTT


Sunday, November 4, 2018

உடனடியாகச் செய்யலாம் உருளைக்கிழங்கு முறுக்கு! | Potato Murukku Recipe


ஒரே ஒரு உருளைக்கிழங்கு, ஒரு கப் அரிசி மாவு....எளிமையாகச் செய்யலாம் இருபது முறுக்குகள். சுவையான முறுக்குக்கு சுலபமான செய்முறை!


via IFTTT

Thursday, November 1, 2018

பிரியாணிக்குப் பிரமாதமான ஜோடி! | Hyderabadi Special Mirchi Ka Salan


சைவம் அசைவம் என எந்த வகை பிரியாணிக்கும் பிரமாதமாகப் பொருந்தும் (ஹைதராபாதி) ஆந்திரா சமையல் செய்முறை...பச்சை மிளகாய் சாலன் அல்லது மிர்ச்சி கா சாலன்!


via IFTTT

Tuesday, October 30, 2018

இப்படியும் செய்யலாம் பீட்ரூட் ஜூஸ்! | Beetroot juice recipe in Tamil


மருந்தாக நினைக்காமல் பீட்ரூட்டை விரும்பிச் சாப்பிடவைக்கும் வித்தியாசமான செய்முறை!


via IFTTT

Monday, October 29, 2018

பட்டென்று செய்யலாம் பனீர் மசாலா! | Paneer Masala Gravy in Tamil


பெரியவர்கள் சிறியவர்கள் என அனைவரும் விரும்பும் அருமையான பனீர் மசாலா....மிக எளிதான செய்முறையில்!


via IFTTT

Tuesday, October 23, 2018

சமையல் & வீட்டு உபயோகப் பொருட்கள் ஷாப்பிங் | Kitchen & Household Shopping


சமையலறைக்குத் தேவையான, வீட்டு உபயோகப் பொருட்கள் வாங்கிய எனது ஷாப்பிங் அனுபவங்கள்!


via IFTTT

Sunday, October 21, 2018

சுலபமான உருளைக்கிழங்கு பொரியல் | Simple Potato fry | Spicy Potato Fry


அனைவருக்கும் விருப்பமான உருளைக்கிழங்கு பொரியல்....காரசாரமான செய்முறை!

via IFTTT

Wednesday, October 17, 2018

மசாலா சுண்டல் செய்முறை | Masala Sundal Recipe in Tamil | Spicy Sundal Recipe


மணமணக்கும் மசாலா சுண்டல்...மிக எளிமையான செய்முறை!

via IFTTT

Monday, October 15, 2018

திருநெல்வேலி பருப்புக் குழம்பு | Thirunelveli paruppu kuzhambu Recipe


திருநெல்வேலி, தூத்துக்குடி மாவட்டங்களில் பிரபலமான பருப்புக் குழம்பு...அதாவது மசாலாப் பொடிகள் எதுவும் சேர்க்காத, காரத்திற்குப் பச்சை மிளக்காய் மட்டுமே சேர்த்துச் செய்யும் மணமான பருப்புக் குழம்பு!

via IFTTT

Thursday, October 11, 2018

கருப்பட்டி மிட்டாயும் கடந்தகால நினைவுகளும்


தென் தமிழகத்தின் பிரபலமான இனிப்பு வகைகளுள் இந்தக் கருப்பட்டி மிட்டாயும் ஒன்று. இயல்பாகவே பனை மரங்கள் அதிகமான தென் தமிழ்நாட்டில் பனைப் பொருட்களான, பதனீர், நுங்கு, கருப்பட்டி, பனங்கிழங்கு, தவுண் எனப்படும் உணவுப்பொருட்களெல்லாம் மிகவும் பிரபலம்.



கருப்பட்டி மிட்டாய் பல இடங்களில் கிடைக்குமென்றாலும், தூத்துக்குடி மாவட்டத்திலுள்ள கீழ ஈரால் எனப்படும் இடத்தில் கிடைக்கும் கருப்பட்டி மிட்டாய் மிகவும் பிரபலம்.


கீழுள்ள படத்தில் இருப்பது சீனி மிட்டாய். இதுவும் அநேகமாகத் திருநெல்வேலி, தூத்துக்குடி மாவட்டங்களில் பல இடங்களில் கிடைக்கும். இதனை சோத்து மிட்டாய், ஏணிப்படி மிட்டாய் என்றும் கூறுவர்.



கீழே படத்திலிருப்பதுதான் பனைவெல்லம் எனப்படும் கருப்பட்டி.  பதனீரைக் காய்ச்சி அதிலிருந்து பெறப்படும் அருமையான இனிப்பு. பழங்காலத்தில் சர்க்கரைக்கு மாற்றாக நம் மக்கள் பயன்படுத்திவந்த மிகவும் ஆரோக்கியமான இனிப்பு.



via IFTTT

Monday, September 3, 2018

சிக்கன் தொக்கு - குக்கர் செய்முறை | Chicken thokku - Cooker method


அக்கம்பக்கத்திலுள்ளவர்களையும் வாசனையால் இழுக்கும் சிக்கன் தொக்கு...காரசாரமான செய்முறை!

via IFTTT

Sunday, September 2, 2018

ஒரு பிடி அவல்!


கண்ணன் சாப்பிட்ட ஒரு பிடி அவலால் குசேலரின் வறுமை மாறிய வாழ்க்கைக் கதை!

via IFTTT

Saturday, August 25, 2018

நிலக்கடலை வறுப்பது எப்படி? | How to roast peanuts? |Salted peanuts in minutes


மணலில் வறுத்தது போன்ற மணமான சுவையான நிலக்கடலையை வீட்டிலேயே வறுக்கும் எளிமையான முறை! 

தேவையான பொருட்கள்

நிலக்கடலை - 1 கப்

தூள் உப்பு - 3/4 கப்

செய்முறை

அடி கனமான வாணலியில் தூள் உப்பைச் சேர்க்கவும்.

உப்பு சிறிது சூடானதும், அதில் கடலையைச் சேர்த்து, மிதமான தீயில் வறுக்கவும்.

சில நிமிடங்களில் கடலையின் மேல் தோல் வெடித்துப் பிரிய ஆரம்பிக்கும். மேலும் சிறிது நேரம் வறுத்ததும் கடலையின் மணம் வர ஆரம்பிக்கும்.

அடுப்பை அணைத்துவிட்டு, ஒரு சல்லடைக் கரண்டியால் கடலையை உப்பைவிட்டுப் பிரித்து எடுக்கவும்.

உப்பில் அதிக நேரம் இருந்தால் கடலை உப்பின் சூட்டில் கருகிவிடலாம்.

மணமான, லேசான உப்புச் சுவை உடைய வறுத்த கடலை தயார்!


via IFTTT

Monday, August 13, 2018

சங்ககால சமையல் | Sanga kala Samaiyal




சங்கககால மக்களின் சமையலும் உணவுப் பழக்கங்களும் பற்றிப் பண்டைய இலக்கியங்க்களில் குறிப்பிடப்பட்டிருக்கும் செய்திகள்!



via IFTTT

Wednesday, May 9, 2018

செட்டிநாடு மீன் குழம்பு

செட்டிநாடு மீன் குழம்பு, இது காரசாரமான, தனித்துவமான சுவையுள்ள மீன் குழம்பு ஆகும். அரைத்துச் சேர்க்கப்படும் மசாலாக் கலவை இந்தக் குழம்புக்குக் கூடுதல் சுவையை அளிக்கிறது.











வீடியோ செய்முறை இங்கே...



தேவையான பொருட்கள்

மீன் - 300 கிராம்
சின்ன வெங்காயம் - 5
பூண்டு - 4 பல்
மஞ்சள் தூள் - 1/4 தேக்கரண்டி
வத்தல் தூள் - 1 தேக்கரண்டி
மல்லித்தூள் - 2 தேக்கரண்டி
உப்பு - தேவைக்கு
நல்லெண்ணெய் - 2 மேஜைக்கரண்டி

அரைக்க

பெரிய வெங்காயம் - 1
தக்காளி - 1
கறிவேப்பிலை - 3 இணுக்கு
மிளகு - 1 தேக்கரண்டி
சீரகம் - 1/2 தேக்கரண்டி


தாளிக்க

வெந்தயம் - 1/2 தேக்கரண்டி
கடுகு - 1/2 தேக்கரண்டி
கறிவேப்பிலை - 1 இணுக்கு
பெருங்காயம் - சிறிதளவு

செய்முறை

அரைக்க வேண்டிய பொருட்களை ஒன்றாகச் சேர்த்து நன்றாக அரைத்தெடுத்துக்கொள்ளவும்.

சின்ன வெங்காயத்தை உரித்து, நறுக்கிவைக்கவும்.

வாணலியில் எண்ணெய் விட்டு, வெந்தயம், கடுகு சேர்த்துத் தாளிக்கவும். 

கடுகு வெடித்ததும், பெருங்காயம் சேர்த்துத் தாளிக்கவும்.

அத்துடன் நறுக்கிய சின்ன வெங்காயம். பச்சை மிளகாய், கறிவேப்பிலை, நறுக்கிய பூண்டு சேர்த்து வதக்கவும்.

அத்துடன், அரைத்த மசாலாக் கலவையைச் சேர்த்து, பச்சை வாசனை போகுமளவுக்கு வதக்கிக் கொள்ளவும்.

அத்துடன், மஞ்சள், வத்தல், மல்லித்தூள்களையும் சேர்த்து வதக்கவும்.

மசாலா வாடை மாறியதும், புளிக்கரைசலைச் சேர்த்து, மூடியிட்டு 5 நிமிடங்கள் கொதிக்கவிடவும்.

கொதித்துக்கொண்டிருக்கிற குழம்புக் கலவையில், மீன் துண்டுகளைச் சேர்க்கவும். 

மீன் துண்டுகளைச் சேர்த்தபின் பத்து நிமிடங்கள் சிறுதீயில், சிறிதளவு இடைவெளியுடன் மூடிக் கொதிக்கவிடவும்.

மீன் வெந்து எண்ணெய் பிரியவும் குழம்பை இறக்கிப் பரிமாறவும்.



Thursday, April 19, 2018

கடலைப்பருப்புப் பாயசம்


தமிழர் சமையலில் பருப்பு வகைகள் பெரிதும் பயன்படுத்தப்படுகின்றன. குழம்பாகவும் கூட்டாகவும், பலவிதப் பலகாரங்களாகவும் அவை அன்றாட சமையலில் பங்கெடுத்துக்கொள்கின்றன. இன்றைக்கு நாம் பார்க்கப்போகும் கடலைப்பருப்புப் பாயசம், தமிழகத்தில் மட்டுமன்றி, கேரளத்திலும் மிகப் பிரபலமான ஒன்று.

இதற்குத் தேவையான பொருட்கள்




கடலைப்பருப்பு - 1/2 கப்

ஜவ்வரிசி - 2 டேபிள்ஸ்பூன்

தேங்காய்ப்பால் - 1 கப்

நறுக்கிய தேங்காய் - 2 டேபிள்ஸ்பூன்

வெல்லம் - 150 கிராம்

ஏலக்காய் - 3

முந்திரி - 15

திராட்சை - 15

நெய் - 1 டேபிள்ஸ்பூன்

செய்முறை

கடலைப்பருப்பை குக்கரில் வைத்து வேகவைத்து எடுத்துக்கொள்ளவும்.

ஜவ்வரிசியையும் தண்ணீரில் 1/2 தேக்கரண்டி நெய் விட்டு வேகவைத்துக்கொள்ளவும்.

ஒரு கப் தேங்காய்ப்பால் தயாரித்துத் தயாராக வைக்கவும்.

சிறிதளவு தேங்காயை சிறு சிறு துண்டுகளாக நறுக்கிவைக்கவும்.

வெல்லத்தைச் சிறிதளவு தண்ணீரில் கரையவிட்டு வடிகட்டி வைத்துக்கொள்ளவும்.

ஏலக்காயைப் பொடிசெய்துவைக்கவும்.

ஒரு அகலமான பாத்திரத்தில் வேகவைத்த கடலைப்பருப்பு, ஜவ்வரிசி இரண்டையும் சேர்த்து அடுப்பில் வைக்கவும்.

அத்துடன், வெல்லக்கரைசல் சேர்த்துச் சூடேற்றவும்.

கலவை நன்கு கொதித்தபின், அதனுடன் தேங்காய்ப்பாலைக் கலந்துவிடவும். தூளாக்கிய ஏலக்காயையும் சேர்க்கவும்.

வாணலியில் நெய்விட்டு, முந்திரி திராட்சை மற்றும் தேங்காய்த் துண்டுகளை வறுக்கவும்.

பாயசம் தேங்காய்ப்பால் சேர்த்தபின் அதிகம் கொதிக்கவிடாமல், முந்திரி திராட்சை மற்றும் தேங்காயைத் தூவி இறக்கவும்.

வறுத்த தேங்காய்த் துண்டுகள் இந்தப் பாயசத்துக்குக் கூடுதல் சுவையைக் கொடுக்கும்.

சுவையான கடலைப்பருப்புப் பாயசம் தயார்.






பச்சைப்பயறு அடை

பச்சைப்பயறு அல்லது பாசிப்பயறு என்று அழைக்கப்படும் இந்தப் பயறு ஆங்கிலத்தில் கிரீன் கிராம்( green gram) என்று அழைக்கப்படுகிறது. பொதுவாகவே பயறுவகைகளில் புரோட்டீன் எனும் புரதச் சத்து மிக அதிகம். இந்தப் பச்சைப்பயறு, புரோட்டீன்கள், விட்டமின்கள், தாதுச்சத்துக்கள் மற்றும் இரும்புச்சத்தும் அதிகம் உடையது என்பதால் அனைத்து வயதினருக்கும் ஏற்றது என்றாலும் குறிப்பாக வளரும் குழந்தைகளுக்கு மிகவும் நல்லது. 





இந்தப் பச்சைப்பயறு அடைக்குத் தேவையான பொருட்கள்

பச்சைப்பயறு - 1கப்

புழுங்கல் அரிசி - 2 டேபிள்ஸ்பூன்

இஞ்சி - 1 அங்குலத் துண்டு

பச்சை மிளகாய் - 2 அல்லது 3

கறிவேப்பிலை - 2 இணுக்கு

சீரகம் - 1 தேக்கரண்டி

வெங்காயம் - 1

துருவிய தேங்காய் - 1/2 கப்

உப்பு - தேவையான அளவு

எண்ணெய் - தேவையான அளவு


செய்முறை

பச்சைப்பயறையும் அரிசியையும் சேர்த்து 4 மணி நேரம் ஊறவைக்கவும்.

ஊறிய பயறு அரிசிக்கலவையுடன் பச்சை மிளகாய், இஞ்சி, சீரகம், கறிவேப்பிலை சேர்த்துக் கொரகொரப்பாக அரைத்து எடுக்கவும்.

அரைத்த மாவுடன் துருவிய தேங்காய் , நறுக்கிய வெங்காயம் சேர்த்துக் கலக்கவும். வெங்காயத்தைச் சிறிது எண்ணெயில் வதக்கியும் சேர்க்கலாம்.

தேவையான உப்பு சேர்த்து இட்லி மாவு பதத்துக்குக் கலந்துகொள்ளவும்.

அடுப்பில் தோசைக்கல்லை வைத்து, எண்ணெய் தடவி, ஒரு கரண்டி மாவை விட்டு நன்றாகப் பரப்பிவிடவும். அடையைச் சுற்றிலும் அடையின் மேலும் பரவலாக நல்லெண்ணெய் விட்டுத் திருப்பி, மறுபுறமும் வேகவிட்டு எடுக்கவும்.

சுவையான பச்சைப்பயறு அடை தயார். இதனைச் சட்னி அல்லது தூளாக்கிய வெல்லத்துடன் சாப்பிடலாம்.





Sunday, March 25, 2018

தேங்காய் மாங்காய் பட்டாணி சுண்டல்




முழுமையான வீடியோ செய்முறை இங்கே...




கடற்கரை, திருவிழாக்கூட்டங்களில் நாம் வாங்கி ரசித்துச் சாப்பிட்ட தேங்காய் மாங்காய் பட்டாணி சுண்டலை வீட்டில் எப்படிச் செய்யலாம்னு இப்போ நாம் பார்க்கலாம்.

தேவையான பொருட்கள்

வெள்ளைப் பட்டாணி - 1 கப் 
எலுமிச்சை - 1/2 மூடி
மாங்காய் - 1/2 கப் சீவியது

அரைக்க

தேங்காய் - 1துண்டு
இஞ்சி - 1 அங்குலத் துண்டு
காய்ந்த மிளகாய் - 2

தாளிக்க

கடுகு -1/2 தேக்கரண்டி
உளுந்து - 1 தேக்கரண்டி
பெருங்காயம் - சிறிதளவு
கறிவேப்பிலை - 10
எண்ணெய் - தேவைக்கு

செய்முறை

பட்டாணியை ஆறிலிருந்து எட்டுமணி நேரம் ஊறவைத்து, உப்புப் போட்டு வேகவைத்துக்கொள்ளவும்.

தேங்காயை இஞ்சி, காய்ந்த மிளகாய் சேர்த்து, தண்ணீர் சேர்க்காமல் கொரகொரப்பாக அரைத்துக்கொள்ளவும்.

வாணலியில் எண்ணெய் விட்டு, கடுகு, உளுந்து, பெருங்காயம் மற்றும் கறிவேப்பிலை சேர்த்துத் தாளிக்கவும்.

அத்துடன் அரைத்த மசாலாக் கலவையைச் சேர்த்து, ஒரு நிமிடம் பச்சை வாசனை போக வதக்கிக்கொள்ளவும்.

மசாலா வதங்கியதும், வேகவைத்து வடிகட்டிய பட்டாணியைச் சேர்த்து நன்றாகப் பிரட்டிவிடவும். உப்பு சரிபார்க்கவும்.

இறுதியாக அடுப்பை அணைத்தபின், அரை மூடி எலுமிச்சையைப் பிழிந்துவிட்டு, சீவிய மாங்காய்த் துண்டுகளைச் சேர்த்துப் பரிமாறவும்.



Saturday, February 24, 2018

காய்கறி சால்னா






தேவையான பொருட்கள்

தக்காளி  - 2
வெங்காயம் பெரியது - 1
பச்சை மிளகாய் -2
கேரட் - 1
கொத்துமல்லி இலை - 1/2 கப்
புதினா - 1/4 கப்
கறிவேப்பிலை - 5 இணுக்கு
இஞ்சி பூண்டு விழுது - 1 மேஜைக் கரண்டி
மஞ்சள் பொடி - 1/4 தேக்கரண்டி
வத்தல் பொடி - 1 தேக்கரண்டி
மல்லிப்பொடி - 2 தேக்கரண்டி
கரம் மசாலப் பொடி - 1/2 தேக்கரண்டி

அரைக்க

தேங்காய் - 1/2 கப்
முந்திரிப் பருப்பு - 10 - 15
சீரகம் - 1/2 தேக்கரண்டி
சோம்பு - 1/2 தேக்கரண்டி

தாளிக்க

பட்டை - 1 அங்குலத் துண்டு

கிராம்பு - 3

ஏலக்காய் 3

எண்ணெய் - 2 மேஜைக் கரண்டி

செய்முறை

தக்காளி வெங்காயத்தை நறுக்கி வைத்துக்கொள்ளவும்.

கேரட்டை சற்று நீள நீளமாக நறுக்கிக்கொள்ளவும்.

மிளகாயைக் கீறி வைத்துக்கொள்ளவும்.

கொத்துமல்லி, புதினா, கறிவேப்பிலையை சுத்தம் செய்து நறுக்கிக்கொள்ளவும்

அரைக்கவேண்டிய பொருட்களைத் தேவையான தண்ணீர் சேர்த்து அரைத்துக்கொள்ளவும்.

இஞ்சி பூண்டை இடித்து வைத்துக்கொள்ளவும்

வாணலியில் எண்ணெய் விட்டு, பட்டை, கிராம்பு, ஏலக்காய் சேர்த்து வறுக்கவும்.

அத்துடன் நறுக்கிய வெங்காயம் கீறிய பச்சை மிளகாய் சேர்த்து சிறிது உப்பு சேர்த்து வதக்கவும்.

அத்துடன் இஞ்சி பூண்டு சேர்த்து வதக்கவும்.

அத்துடன் இலைகளையும் சேர்த்து நன்றாக வதக்கிக்கொள்ளவும்.

அத்துடன் கேரட்டைச் சேர்த்து வதக்கவும்.

பின்னர் நறுக்கிய தக்காளிகளைச் சேர்த்து வதக்கவும்.

சிறிது வதங்கியதும், மஞ்சள், மிளகாய், மல்லி, மற்றும் கரம் மசாலாப் பொடிகளைச் சேர்த்து வதக்கவும்.

ஒரு கப் தண்ணீர் சேர்த்து 3 நிமிடங்கள் மூடி வேகவிடவும்.

பின்னர் அத்துடன் அரைத்துவைத்த தேங்காய்க் கலவையை ஊற்றி, மேலும் இரண்டு கப் நீர் சேர்த்து மூடிவைத்து பச்சை வாசனை போகுமளவுக்கு வேகவிடவும்.

அதன் பின், உப்பு சரிபார்த்துவிட்டு, 15 - 20 நிமிடங்கள் பாத்திரத்தில் கரண்டியுடன் மூடிபோட்டு சிறுதீயில் கொதிக்கவிடவும்.

குழம்பு கொதித்து, எண்ணெய் பிரியும் சமயத்தில் சிறிது கொத்துமல்லி இலைகளைத் தூவி இறக்கவும்.

அருமையான ரோட்டுக்கடை காய்கறி சால்னா தயார்.

இது, பரோட்டா, சப்பாத்தி, பூரி, இடியப்பம், ஆப்பம் இவற்றுடன் சேர்த்து சாப்பிட மிகவும் நன்றாக இருக்கும்.

முழுமையான வீடியோ செய்முறை

இங்கே...

https://youtu.be/NmjA9TjtImk


Thursday, February 22, 2018

மீன் குழம்பும் பொரித்த மீனும்






தேவையான பொருட்கள்

மீன் - 1 கிலோ
தக்காளி - 1
பச்சை மிளகாய் - 2
கத்தரிக்காய் - 1
சின்ன வெங்காயம் - 15
பூண்டு - 3 பல்
புளி - சிறு எலுமிச்சை அளவு
மஞ்சள் தூள் - 1/4 தேக்கரண்டி
வத்தல் தூள் - 1  தேக்கரண்டி
மல்லித்தூள் - 3 தேக்கரண்டி

தாளிக்க

சின்ன வெங்காயம் 3
வெந்தயம் - 1/2 தேக்கரண்டி
கடுகு - 1/2 தேக்கரண்டி
பெருங்காயம் - சிறிதளவு
கறிவேப்பிலை = 10 இலைகள்
எண்ணெய் - தேவையான அளவு

மீன் பொரிக்க

மஞ்சள் தூள் - 1/4 தேக்கரண்டி
வத்தல் தூள் - 1  தேக்கரண்டி
சாம்பார்ப்பொடி - 1 தேக்கரண்டி
எலுமிச்சை சாறு - 1 தேக்கரண்டி
உப்பு -தேவையான அளவு
எண்ணெய் - பொரித்தெடுக்க

செய்முறை

மீனை சுத்தம் செய்து, குழம்புக்கும் பொரிக்கவும் தனியாகப் பிரித்து வைக்கவும். குழம்புக்குரிய மீனில் சிறிது உப்புத் தூவி வைக்கவும்.

பொரிப்பதற்கான மசாலாக்களை உப்பு, எலுமிச்சைச் சாறு மற்றும் தேவையான தண்ணீருடன் கலந்து மீன் துண்டுகளில் தடவி ஊற விடவும்.

தேங்காயை சீரகத்துடன் அரைத்து அத்துடன், சின்ன வெங்காயம் மற்றும் 1/2 தக்காளியையும் சேர்த்து அரைத்துவைக்கவும்.

குழம்புக்கு, பாத்திரத்தில் நல்லெண்ணெய் விட்டு, நறுக்கிய சிறிய வெங்காயம் சேர்த்துப் பொரிய விடவும். வெங்காயம் சிவந்ததும் வெந்தயம், கடுகு,
கறிவேப்பிலை சிறிதளவு பெருங்காயம்  சேர்த்துத் தாளிக்கவும்,

அத்துடன் கீறிய பச்சை மிளகாய் மற்றும் தக்காளி சேர்க்கவும். சிறிதளவு உப்பு சேர்த்துத் தக்காளியை வதக்கவும். தக்காளியை வதக்கியதும்
நறுக்கிய பூண்டு, ஒரு கீறிய கத்தரிக்காய் சேர்த்து வதக்கவும்.

வதங்கியதும் புளித்தண்ணீர் மற்றும் மசாலாப் பொடிகளைச் சேர்க்கவும்.

சிறிது நேரம் மூடியிட்டுக் கொதிக்க விடவும்.

மசாலா வாசனை நீங்கியதும், அரைத்த தேங்காய், சீரகம், தக்காளி,  வெங்காயக் கலவையைச் சேர்க்கவும்.

ஐந்து நிமிடங்கள் கழித்து மீன் துண்டுகளைச் சேர்க்கவும்.

மீன் துண்டுகள் வெந்து குழம்பு கொதித்துக் கெட்டியானதும் அடுப்பிலிருந்து இறக்கவும்.

மீன் பொரிக்க...

அகலமான வாணலியில் அல்லது தோசைக்கல்லில் எண்ணெய் ஊற்றி,
மீன் துண்டுகளை இரு புறமும் பொன்னிறமாகப் பொரித்து எடுக்கவும்.

சுவையான மீன் குழம்பு, பொரித்த மீன் தயார்!

Wednesday, February 21, 2018

சிவப்பரிசி கொழுக்கட்டை







தேவையான பொருட்கள்

சிவப்பரிசி புட்டு மாவு - 1/2 கப்

துருவிய தேங்காய் - 1/4 கப்

சர்க்கரை - 1/4 கப்

நெய் -1 தேக்கரண்டி

உப்பு - தேவையான அளவு


செய்முறை


அரிசி மாவுடன் சிட்டிகை உப்பு, நெய் சேர்த்து நன்றாகக் கலந்துவிடவும்.

அத்துடன் தண்ணீர் சேர்த்து உதிரியாக, அதே சமயம் கையால் பிடித்தால் பிடிக்கவரும் அளவுக்கு நீர் சேர்த்துப்
பிசைந்து கொள்ளவும்.

அத்துடன் துருவிய தேங்காய் மற்றும் கால் கப் சர்க்கரை அல்லது பொடி செய்த வெல்லம்  சேர்த்துக் கலந்து கொள்ளவும்.

பாத்திரத்தில் நீரூற்றிக் கொதித்ததும் கொழுக்கட்டைகளை எட்டிலிருந்து பத்து நிமிடங்கள் ஆவியில் வேகவைத்து எடுக்கவும்.

சத்தான சுவையான சிவப்பரிசி கொழுக்கட்டைகள் தயார்!

Sunday, February 18, 2018

எளிதான எக் ஃப்ரைட் ரைஸ்



தேவையான பொருட்கள்:

முட்டை - 2
உதிரான சாதம்  - 1 கப்
சிறிய குடைமிளகாய் -1
சிறிய நறுக்கிய கேரட் - 1
பச்சை மிளகாய் - 1
பூண்டு - 1 பல்
வினிகர் - 1 தேக்கரண்டி
சோயா சாஸ் - 1 தேக்கரண்டி
மிளகுத்தூள் - 1 தேக்கரண்டி
உப்பு - தேவைக்கேற்ப
எண்ணெய் - 3 தேக்கரண்டி

செய்முறை:

கனமான வாணலியில் எண்ணெய் ஊற்றி, அவை உதிராக வரும்வரை உப்பு சேர்த்து வறுக்கவும்.

முட்டை உதிரானதும் ஒரு பல் நறுக்கிய பூண்டு சேர்த்து வதக்கவும்.

அத்துடன் நறுக்கிய கேரட், குடைமிளகாய் சேர்த்து வறுக்கவும்.

காய்கள் பாதியளவு வதங்க்கியதும், வினிகர் மற்றும் சோயா சாஸ் சேர்த்து வதக்கவும்.

அத்துடன், உதிரான சாதம் ஒரு கப் அளவு சேர்த்து நன்றாக முட்டை, காய்கறிக் கலவையுடன் சேருமாறு ஒரு நிமிடம் வறுக்கவும்.

இறுதியாக, தேவையான அளவு மிளகுத்தூள் சேர்த்து நன்றாகக் கிளறி இறக்கவும்.

எளிதான சுவையான முட்டை ஃப்ரைட் ரைஸ் தயார்!

வீடியோ செய்முறை இங்கே.